網紅的藏寶箱有一部電影，講老百姓飽受欺凌，受咗好多苦難，卑鄙下流嘅外來入侵者，引入好多違法契約精神嘅不平等條約，監粗要老百姓去承受。
但係，好在有學生努力抗爭，星星之火可以燒埋個草原，人民前仆後繼咁去爭取自由，工人亦終於唔只識得訴求上班，仲會發動罷工，佢哋為咗呢個家而甘願犠牲。罷工無罪，面對強權屈辱，抗爭有理！
成部戲表現出人民艱苦嘅抗爭，讓群眾深切感受來之不易嘅勝利！
呢部電影叫《1921》，以上係綜合中國網民對嘅影評。
不過《1921》談及工人罷工及民眾抗爭，我唔知電影有冇煽動性，有冇機會荼毒叔伯兄弟，有冇機會令人嬲到條頭毛指向個天，會唔會挑起仇恨，令社會繼續紛亂。唔知單一睇戲有冇乜嘢情況，但呼籲大家將電影飛棄置，唔好踩親條識郁嘅紅線。
Search